သူစိမ်း

*ကျွန်တော့ကိုပြောပြပါ

ခင်ဗျားဟာ အလွန်စိတ်ဝင်စားစရာကောင်းတဲ့

လူတယောက်ပါ

ခင်ဗျားဘယ်သူ့ကို အချစ်ဆုံးလဲ

ခင်ဗျားရဲ့ အဖေလား - အမေလား

ညီလား - အကိုလား၊ အမလား - ညီမလား။

*ကျွန်တော့မှာ အဖေအမေ မရှိပါဘူး

ညီတို့ အကိုတို့၊ ညီမတို့ အမတို့လည်း မရှိပါဘူး။

*ဒါဆို ... ခင်ဗျားရဲ့ သူငယ်ချင်းလား။

ဒီအက္ခရာစာလုံးတို့ရဲ့ အဓိပ္ပာယ်ကို ကနေ့တိုင်

ကျွန်တော်ရှင်းလင်းစွာ နားမလည်သေးပါဘူး။

*ဒါဆို ... ခင်ဗျားရဲ့ တိုင်းပြည်။

သူဘယ်အရပ်မှာ တည်ရှိနေတယ်ဆိုတာ ကျွန်တော်မသိပါ။

*ဒါဆို ... အချောအလှ။ မိန်းမ။

တကယ်လို့သာ၊ သူမဟာ

ထာဝစဉ် နုပျိုနေမယ့် နတ်မိမယ်လေး

ဖြစ်နေမယ်ဆိုရင်တော့ဗျာ

ကျွန်တော် ချစ်ကောင်းချစ်မိမှာ။

*ဒါဆို ... ရွှေငွေဥစ္စာ။

အဲဒီအရာတွေကို ကျွန်တော်မုန်းပါတယ်။

ဘုရားသခင်ကို မုန်းသလိုမျိုးပေါ့။

*ဟာ ... ခင်ဗျားက လူထူးလူဆန်းကြီးပါလား။

ဘယ်အရာကို အမှန်စစ်

ခင်ဗျားတကယ်ချစ်တာလဲလို့။

*ကျွန်တော် ... ဟိုး ... ဆီက တိမ်ကို ချစ်ပါတယ်။

ဟိုးဆီက လွင့်နေတဲ့ တိမ်ကိုလေ ...။

မှန်းမျှော်တွက်ဆလို့ မရတဲ့တိမ်လေ .......။ ဘာသာပြန်သူ (မိုးစက်)

ဘော်တယ်လာ (ပြင်သစ်) ကဗျာဆရာ၏ ကဗျာ